mánudagur, maí 31, 2004

Augljós sannleikur

Alveg er ég sannfærð um að Survivor Allstars var bara sett á laggirnar svo Rupert, uppáhald allra, gæti tekið þátt aftur og unnið. Og þar sem hann vann ekki, þá var brugðið á það ráð að láta áhorfendur kjósa, og viti menn! Loksins fékk uppáhalds sjóræninginn okkar milljónina, eitthvað sem allir vildu sjá.
Ég kvarta svosem ekki, hef dýrkað hann síðan hann stal frá hinum ættbálknum, kallaði sig Captain Blackbeard og hló...

fimmtudagur, maí 27, 2004

Ammli!!!

Ég á eins árs bloggafmæli í dag, húrra fyrir mér!

Kökur óskast.

laugardagur, maí 22, 2004

Jæja, löngu kominn tími á pínu öppdeit ;)
Prófin búin og það er nú gott, held ég hafi náð öllum og það er ennþá betra og er búin að fá eina einkunn sem er 9 og það er bara best!

Er líka byrjuð í sumarvinnunni minni sem messagutti um borð í hvalaskoðunarskipi og er búin að komast að því að ég er með eindæmum sjóhraust manneskja (verð ekkert sjóveik) þannig að þetta á bara mjög vel við mig.
Starfið mitt felst í því að selja miða í hvalaskoðunarferðirnar og líka að afgreiða í sjoppunni/barnum um borð.

Annars er ég í fínu helgarfríi núna (föstudagur - sunnudagur í frí) og er af því tilefni búin að fá til mín mín yndislegu litlu systkin Skúla (9 ára) og Marínu (7 ára) og við erum búin að gera ýmislegt skemmtilegt í dag og kvöld, kíkja á furðufugla, fara á kaffihús og rokktónleika og horfðum svo á Finding Nemo... man, það er góð mynd :)

Ég er s.s. bara í rólega pakkanum þessa helgi, er reyndar ennþá að dásama hvað það er yndislegt að geta bara slappað af þegar maður er ekki í vinnunni, þ.e.a.s. enginnn lærdómur.... já, það er gott að vera búin í prófum...

fimmtudagur, maí 13, 2004

Eymd námsmannsins

Ég þoli ekki hvernig mér tekst alltaf að falla á tíma varðandi próflestur með því að gera svaka fín lestrarplön (líta mjög vel út á blaði) þar sem ég ofmet stórlega lestrargetu mína þannig að ég næ svo auðvitað aldrei að fylgja helv. planinu....
Þess má til gamans geta að ég er einnig að frumlesa allt efnið fyrir þetta próf, eins og ég hef gert við öll mín próf á þessari vorönn... afar hressandi.
Þetta er reyndar ekkert alslæmt, ég er búin með 3 próf af fjórum og er nokkuð viss um að ég hafi náð þeim öllum. Síðasta prófið, almenn efnafræði 2, er svo núna á laugardagsmorguninn og svo er búið að plata mig í að halda prófloka/júróvissjon partý fyrir 1. árs lyfjafræðinema um kvöldið, þannig að það er eins gott að maður verði vel útsofinn og hress....

Talandi um júróvissjon, ég stalst til að horfa á undankeppnina í gær og guð minn góður hvað það er mikið af ógisslega fyndnum og hallærislegum lögum! Þetta er bara snilld!
Uppáhalds fyndnu lögin mín komust einmitt áfram: Grikkinn í magabolnum sem hristir á sér rassinn, Ruslana úkraínska í bjarndýrafeldinum og síðast en ekki síst, sjálfur Deen frá Bosníu-Herzegovínu sem var í fráhnepptri skærbleikri skyrtu og með böns af bikinígellum og syngur hið frábæra lag "In the Disco" ("Up and down, here we go!")... ég elska Deen!
Leiðinlegt fannst mér þó að eistnesku keppendurnir, 5 bústnar sveitastelpur í strigapokum og leðurstígvélum (með brjálaða feita djöflatrommarann sem skallaði trommusettið), komust ekki áfram... þær lentu þó í 11. sæti og komust því næstum því inn, dúllurnar!

En jæja, best að halda áfram að lesa um HOMO og LUMO áður en ógeðslega suddakaffið mitt kólnar.... :D